«Лацио» ярим ҳимоячиси Давиде Фраттези Италия чемпионати 3-туридан ўрин олган «Удинезе»га қарши учрашувда гол урди.

Футболчи баҳснинг 75-дақиқасида рақиб дарвозасини ишғол қилиб, ҳисобни тенглаштирди — 1:1.

Фраттези жорий мавсум бошидан буён «Лацио»нинг А Сериядаги ҳар учала ўйинида ҳам гол уришга муваффақ бўлди. У аввалги турларда «Болонья» ва «Женоа»га қарши кечган учрашувларда ҳам жамоасининг 1:0 ҳисобидаги ғалабасини таъминлаган эди.

80-дақиқада Фраттеси ўрнини Алберт Гудмундссонга бўшатиб берди. Майдонга захирадан тушган футболчи 88-дақиқада «Лацио»ни олдинга олиб чиқди ва учрашувнинг якуний ҳисобини ўрнатди — 2:1.