Туриннинг «Ювентус» клуби ҳимоячиси Федерико Гатти ёзги трансфер ойнасида жамоани тарк этиши мумкин эди. Бу ҳақда инсайдер Экрем Конур ижтимоий тармоқда хабар берди.
Манбага кўра, италиялик футболчига Саудия Арабистони чемпионати клублари қизиқиш билдирган, аммо трансфер амалга ошмаган. Шунингдек, Гаттини А Сериянинг амалдаги чемпиони «Наполи» ҳам ўз сафига қўшиб олишни истаган.
28 ёшли ҳимоячи 2022 йил январидан буён «Ювентус» шарафини ҳимоя қилиб келмоқда. Унинг Турин клуби билан амалдаги шартномаси 2030 йил июнь ойи охиригача мўлжалланган.
Transfermarkt Гаттининг бозор қийматини 14 миллион еврога баҳоламоқда.
