SofaScore статистик портали Испания Ла Лигаси 4-турининг рамзий жамоасини тузиб чиқди. Рамзий таркибда энг кўп вакил "Барселона" ҳисобига тўғри келди — каталонияликларнинг тўрт футболчиси кучли 11 ликдан жой олди.
Дарвозабон сифатида "Бетис" посбони Альваро Вальес танланди ва у максимал 10 балл олди. Ҳимоя чизиғидан Пау Кубарси ("Барселона") — 7,7, Карл Старфельт ("Сельта") — 8,4 ва Марк Бартра ("Бетис") — 7,9 ўрин эгаллади.
Ярим ҳимояда Ману Санчес ("Леванте") — 8,0, Педри — 8,2, Фермин Лопес — 8,9 ва Ламин Ямаль — 8,9 қайд этилди. Сўнгги уч футболчи "Барселона" шарафини ҳимоя қилади.
Ҳужум чизиғига эса Серхио Камельо ("Райо Вальекано") — 9,4, Анте Будимир ("Осасуна") — 9,2 ҳамда Лукас Бойе ("Алавес") — 10 балл билан киритилди.
