«Барселона» бош мураббийи Ханс-Дитер Флик жамоа ярим ҳимоячиси Френки де Йонгнинг жароҳатидан тикланиш жараёни ҳақида фикр билдирди.
Нидерландиялик футболчи июль ойида тиззасининг ички ён боғламидан жароҳат олган эди. Аввалроқ де Йонг жарроҳлик амалиётидан воз кечиб, консерватив даволаниш орқали октябрь ойи ўрталарида майдонга қайтишни режалаштираётгани маълум қилинганди.
«Умид қиламан, тез орада де Йонгга таяна оламиз, эҳтимол, танаффусдан кейин. Френки — юқори савияли ажойиб футболчи. У жароҳатдан кейин яхши тикланяпти ва режа бўйича ишлаяпти», — деди Флик.
29 ёшли де Йонгнинг каталонияликлар билан шартномаси яна уч йил амал қилади.
