"Бавария" спорт директори Макс Эберль клуб Майкл Олисени қандай сумма эвазига сотишга тайёр экани ҳақидаги саволга жавоб берди.

"Агар биз Чемпионлар лигасини ютишни истасак, уни сотиш ҳақида гап бўлиши мумкин эмас. "Бавария"нинг ўзига хос жиҳати ҳам шунда: бизга қандай сумма таклиф қилинишига қарамай, қарорларимизни доимий равишда ўзгартиришимиз шарт эмас", — дея Эберлнинг сўзларини журналист Кристиан Фальк CFBayern учун келтирди.

Эберль Олисени клуб билан узоқ муддатли шартнома боғлаб тургани ва унда товон пули эвазига сотиб олиш банди йўқлигини ҳам таъкидлади. Унинг айтишича, келаси ёзга қадар "Бавария" футболчи янги шартнома имзолашга тайёр ёки йўқлигини аниқлаб олиши керак.

Аввалроқ Олисега "Ливерпуль" қизиқиш билдиришда давом этаётгани ҳақида хабарлар тарқалганди. Шунингдек, ўтган ёзда вингерни "Реал" ҳам сотиб олишга ҳаракат қилган.