Собиқ футболчи Тьерри Анри «ПСЖ»нинг ўйинидан ҳайратда қолди. Лига 1 гранди Чемпионлар лигаси умумий босқичининг биринчи турида «Слован Братислава»ни 6:1 ҳисобида мағлуб этиб, унвонини иккинчи бор ҳимоя қилиш йўлидаги иштирокини бошлади.

«ПСЖ» қандай прессинг қилаётганини кўрдингизми? Уларга қарши ўйнашнинг иложи йўқ. Аммо Луис Энрике жамоани шундай даражага олиб чиқиши учун беш-олти ой керак бўлди. Одамлар футболчилар мураббий талабларини бажаришга тайёр бўлиши кераклигини унутиб қўяди. Бу жуда муҳим жиҳат. Агар футболчилар сиз талаб қилаётган нарсани бажаришга тайёр бўлса ва уларда сифат бўлса, узоққа боришингиз мумкин. Агар улар бироз бўлса ҳам қаршилик қилса, ҳаммаси қийинлашади.

Ҳозир «ПСЖ» кучли эканини айтиш осон. Аммо икки йил олдин юлдузлар кетганида, ҳамма “Энди улар билан нима бўлади?” деб ўйлаган. Кейин улар Баркола ва Дуэни трансфер қилишди. Ҳеч ким бу йигитлар билан жамоа бундай ўйнайди деб ўйламаган. Энрике жамоа ўйинида нимани кўришни исташини аниқ билади. Дембеленинг сўзларини эслайсизми? У «ПСЖ»да югурмасангиз, таркибда бўлмайсиз, деганди. Ҳаммаси оддий», — деди Анри The Athletic нашрига.

«ПСЖ» Чемпионлар лигасининг сўнгги икки финалида «Интер» ва «Арсенал»ни мағлуб этган.