Sobiq futbolchi Tyerri Anri «PSJ»ning o‘yinidan hayratda qoldi. Liga 1 grandi Chempionlar ligasi umumiy bosqichining birinchi turida «Slovan Bratislava»ni 6:1 hisobida mag‘lub etib, unvonini ikkinchi bor himoya qilish yo‘lidagi ishtirokini boshladi.

«PSJ» qanday pressing qilayotganini ko‘rdingizmi? Ularga qarshi o‘ynashning iloji yo‘q. Ammo Luis Enrike jamoani shunday darajaga olib chiqishi uchun besh-olti oy kerak bo‘ldi. Odamlar futbolchilar murabbiy talablarini bajarishga tayyor bo‘lishi kerakligini unutib qo‘yadi. Bu juda muhim jihat. Agar futbolchilar siz talab qilayotgan narsani bajarishga tayyor bo‘lsa va ularda sifat bo‘lsa, uzoqqa borishingiz mumkin. Agar ular biroz bo‘lsa ham qarshilik qilsa, hammasi qiyinlashadi.

Hozir «PSJ» kuchli ekanini aytish oson. Ammo ikki yil oldin yulduzlar ketganida, hamma “Endi ular bilan nima bo‘ladi?” deb o‘ylagan. Keyin ular Barkola va Dueni transfer qilishdi. Hech kim bu yigitlar bilan jamoa bunday o‘ynaydi deb o‘ylamagan. Enrike jamoa o‘yinida nimani ko‘rishni istashini aniq biladi. Dembelening so‘zlarini eslaysizmi? U «PSJ»da yugurmasangiz, tarkibda bo‘lmaysiz, degandi. Hammasi oddiy», — dedi Anri The Athletic nashriga.

«PSJ» Chempionlar ligasining so‘nggi ikki finalida «Inter» va «Arsenal»ni mag‘lub etgan.