«Халл Сити» бош мураббийи Сергей Якирович август ойи якунларига кўра АПЛнинг энг яхши мураббийи деб топилди.
49 ёшли босниялик мутахассис қўл остида АПЛ дебютанти мавсум бошидаги ҳар икки учрашувда ҳам ғалаба қозонди. Биринчи турда «Халл» «Манчестер Юнайтед»ни 2:0 ҳисобида мағлуб этган бўлса, кейинги баҳсда кечки гол эвазига «Ковентри»ни 1:0 ҳисобида енгди.
Якирович 2016 йил августидан буён ушбу совринни қўлга киритган биринчи «Халл» мураббийига айланди. Ўшанда мукофот Майк Феланга насиб этган эди. Умуман, Якирович клуб тарихида ойнинг энг яхши мураббийи совринини олган учинчи мутахассис бўлди. Бунгача Фил Браун ва Фелан ушбу ютуққа эришган.
Шунингдек, Якирович АПЛда ойнинг энг яхши мураббийи деб топилган Босния ва Герцеговинанинг биринчи вакили бўлди. Овоз беришда у Микель Артета, Хаби Алонсо ва Энцо Марескани ортда қолдирди. Уларнинг жамоалари ҳам август ойида максимал очко тўплаган эди.
