20 ёшли марказий ярим ҳимоячи Лукас Бергвалль «Тоттенхэм» билан янги узоқ муддатли шартнома имзолади. Бу ҳақда клуб матбуот хизмати хабар берди. Келишув тафсилотлари ошкор қилинмади.
«Менимча, биз бу ерда ўзига хос нарса яратаяпмиз. Ҳозир клуб учун жуда қизиқарли давр, шунинг учун шартномамни узайтирганимдан хурсандман.
Мақсадим — жамоага имкон қадар кўпроқ фойда келтириш, сифатли ўйин кўрсатиш, голлар уриш ва голли узатмалар амалга ошириш», — дея Бергваллнинг сўзларини «Тоттенхэм» матбуот хизмати келтирди.
«Тоттенхэм» Бергваллни 2024 йилда 20 миллион евро эвазига сотиб олган.
Жорий мавсумда у барча мусобақалар ҳисобида иккита ўйинда майдонга тушди, аммо ҳозирча гол ёки голли узатма билан ажралиб турмади.
