«Тоттенхэм» бош мураббийи Роберто Де Дзерби «Эвертон»га қарши 0:0 ҳисобида якунланган уй учрашувидан кейин мухлисларнинг ҳуштакбозлигига муносабат билдирди.

«Мухлислар учун афсусдаман. Барчамиз улар учун афсусдамиз. Бугун улар ажойиб эдилар, айниқса ўйиннинг биринчи қисмида. Улар жамоа яхши ўйнаётганини, ечим излаётганини кўрса, доим футболчиларни қўллаб-қувватлайди.

Шунинг учун мухлисларнинг бундай реакцияси табиий. Биз уларга доим миннатдор бўлишимиз керак», — деди Де Дзерби Sky Sports эфирида.

Италиялик мутахассис, шунингдек, жамоаси дастлабки 30 дақиқани яхши ўтказганини, кейин эса ўзига бўлган ишончни йўқотганини таъкидлади.

«Тоттенхэм» Премьер-лиганинг дастлабки 4 турида 2 очко тўплади. Жамоа ҳали бирорта ҳам гол урмаган.