«Tottenxem» bosh murabbiyi Roberto De Dzerbi «Everton»ga qarshi 0:0 hisobida yakunlangan uy uchrashuvidan keyin muxlislarning hushtakbozligiga munosabat bildirdi.
«Muxlislar uchun afsusdaman. Barchamiz ular uchun afsusdamiz. Bugun ular ajoyib edilar, ayniqsa o‘yinning birinchi qismida. Ular jamoa yaxshi o‘ynayotganini, yechim izlayotganini ko‘rsa, doim futbolchilarni qo‘llab-quvvatlaydi.
Shuning uchun muxlislarning bunday reaksiyasi tabiiy. Biz ularga doim minnatdor bo‘lishimiz kerak», — dedi De Dzerbi Sky Sports efirida.
Italiyalik mutaxassis, shuningdek, jamoasi dastlabki 30 daqiqani yaxshi o‘tkazganini, keyin esa o‘ziga bo‘lgan ishonchni yo‘qotganini ta’kidladi.
«Tottenxem» Premyer-liganing dastlabki 4 turida 2 ochko to‘pladi. Jamoa hali birorta ham gol urmagan.
