Миланнинг «Интер» клуби қанот ҳимоячиси Федерико Димарко билан шартномани узайтириш борасида келишувга эриша олмади. Томонлар ўртасидаги музокаралар боши берк кўчага кириб қолган. Бу ҳақда инсайдер Экрем Конур ижтимоий тармоқларда хабар берди.
Юзага келган вазиятдан бошқа клублар фойдаланиши мумкин. Хусусан, Димарконинг трансферига «Барселона» ва «Манчестер Юнайтед» қизиқиш билдирмоқда.
28 ёшли ҳимоячи 2018 йил ёзидан буён «Интер» шарафини ҳимоя қилиб келмоқда. Унинг миланликлар билан амалдаги шартномаси 2028 йил июнь ойи охирига қадар мўлжалланган.
Transfermarkt портали мутахассислари Федерико Димарконинг бозор қийматини 50 миллион еврога баҳоламоқда.
