«Манчестер Юнайтед»нинг собиқ футболчиси Райан Гиггз жамоа ярим ҳимоячиси Кобби Майнунинг ўйини ҳақида фикр билдирди.

Гиггз «Манчестер Юнайтед» 0:1 ҳисобида «Манчестер Сити»га мағлуб бўлган Манчестер дербисида Майнунинг ҳаракатларига баҳо берди. Футболчи учрашувни тўлиқ 90 дақиқа майдонда ўтказди.

«Гап тезликда эмас, балки тезланишда. У жуда тез эмас, аммо тезланиши бор ва жисмонан бақувват. У жуда, жуда яхши футболчи. Ҳали ҳам ёш, ҳали ҳам ўрганмоқда ва буни тўғридан-тўғри ўйинлар давомида амалга оширишга мажбур», — деди Гиггз Рио Фердинанднинг YouTube каналида.

Мутахассис, шунингдек, Майнунинг майдонни кўриш қобилиятини Пол Скоулзники билан таққослади. Собиқ футболчининг фикрича, Майну дриблинг ва қисқа пасларини сақлаб қолган ҳолда ўз ўйинига узун пасларни ҳам қўшиши мумкин.