"Кристал Пэлас" дарвозабони Дин Хендерсон клуб билан янги шартнома имзолайди. Келишув 2030 йилнинг ёзига қадар амал қилиши кутилмоқда. Бу ҳақда Daily Mail хабар берди.
Манба маълумотига кўра, ўтган ёзда "Ноттингем Форест"нинг 29 ёшли голкиперга қизиқиш билдирганидан сўнг "Кристал Пэлас" раҳбарияти унга яхшиланган шартлар асосида янги келишув таклиф қилишга қарор қилган.
Янги шартнома имзолангач, Хендерсон жамоанинг энг кўп маош оладиган футболчисига айланиши кутилмоқда.
Дарвозабоннинг амалдаги шартномаси 2028 йилгача мўлжалланган. Transfermarkt портали унинг трансфер қийматини 28 миллион евро атрофида баҳоламоқда.
Англиялик голкипер 2023 йилдан бери "Кристал Пэлас" шарафини ҳимоя қилиб келмоқда. Жорий мавсумда у АПЛда 3 та учрашувда майдонга тушиб, 8 та гол ўтказиб юборган.
