Канада терма жамоасининг учта ўйинида Альфонсо Дэвис иштирок этмайди. Бунинг сабаби жароҳат эмас. Футболчи яқинда уйланган ва ҳозирда турмуш ўртоғи билан асал ойини ўтказмоқда.
Канада терма жамоаси бош мураббийи Жесси Марш бу ҳолат жамоа учун муаммо туғдирмаслигини таъкидлади. Унинг фикрича, Дэвис бундай имтиёзга ҳақли.
«Альфонсо — бизнинг сардоримиз, шунинг учун бу масалада ҳаммаси жуда оддий», — дея Маршнинг сўзларини derbyderbyderby.it нашри келтиради.
Эслатиб ўтамиз, яқин вақт ичида Канада терма жамоаси Перу, Чили ва АҚШ терма жамоаларига қарши майдонга тушади.
