Интернет (Фейсбук)да хунук хабар тарқалди. Эмишки, бугун Фарғонада бўлиб ўтадиган "Нефтчи" ва "Қизилқум" жамоалари ўртасидаги ўйинни бошқариб борадиган ҳакамлар меҳмонхонада ёки меҳмонхона яқинидаги квартиралардан бирида оламдан ўтганмиш.

Биз ушбу маълумотни аниқлаштиришга ҳаракат қилдик. Бу маълумот нотўғри бўлиб чиқди. Бугунги ўйинга тайинланган ҳакамлар — О.Толибжонов (Тошкент), А.Снетков (Тошкент вил.), Х.Мирзааҳмедов (Тошкент вил.), И.Худайдатов (Тошкент) барчаси соппа-соғ ва улар ўйинни бошқариб боришади.

Маълумотларга қараганда, юқорида келтирилган хабар теннис ҳакамлари билан содир бўлган. Шу кунларда Фарғонада стол тенниси бўйича мусобақа бўлиб ўтаётган экан ва ҳакамлар ўзлари олган квартирада газни ўчирмасдан ухлаб қолишган. Натижада захарланиш ҳолати юзага келган.