Словения терма жамоаси бош мураббийи Боштьян Цезар Беньямин Шешконинг жароҳатидан кейинги тикланиш жараёнини тўғри ташкил этгани учун «Манчестер Юнайтед»ни мақтади.

Аввалроқ томонлар ўртасида футболчининг миллий жамоага чақирилиши масаласида келишмовчилик юзага келган эди. Март ойида Шешко жисмоний ҳолати билан боғлиқ муаммо сабаб терма жамоа йиғинларида иштирок этмаганидан сўнг, Цезар «Манчестер Юнайтед»ни қаттиқ танқид қилган ва клубга келажакда ҳеч қандай алоҳида ёндашув бўлмаслигини айтган эди.

Бироқ энди мураббий ўз позициясини юмшатди ва «МЮ»нинг, унинг таъбири билан айтганда, «анча жиддий» бўлган жароҳатни бошқаришини ижобий баҳолади.

«Мен Беньямин Шешко йиғинда иштирок этишига ишонаман. Улар вазиятга умуман олганда тўғри ёндашишди ва уни машғулот жараёнига аста-секин қайтаришди», — деди Цезар.

Шешко Словения терма жамоасининг Миллатлар лигасида Шотландия, Шимолий Македония ва Швейцарияга қарши ўйинлар учун қайдномасига киритилган.

Ҳужумчи жорий мавсум «Манчестер Юнайтед» сафида «Эвертон» ва «Сабаҳ»га қарши учрашувларда гол уришга ҳам улгурди.