«ПСЖ» бош мураббийи Луис Энрике якшанба куни «Марсель»га қарши бўлиб ўтадиган Франция Класикоси олдидан жамоада ҳеч қандай бўшашиш бўлмаслигини таъкидлади.

«Бу Класико, шунинг учун биз бутунлай бошқача ўйин ҳақида гапиряпмиз. Бу алоҳида учрашув. Биз бундай баҳсларда ўйнашга ўрганганмиз ва ғалаба қозониш учун тўлиқ тайёр ҳолда майдонга тушамиз.

«ПСЖ» футболчиси Класико олдидан хотиржам бўлиши мумкин эмас. Бунинг иложи йўқ. Аксинча, футболчиларда ҳаяжон бўлиши мумкин», — деди Луис Энрике.

Испаниялик мутахассис Бруно Женезио бошчилигидаги янгиланган «Марсель» ҳақида ҳам фикр билдирди.

«Кўплаб футболчилар жамоани тарк этди. Шунинг учун улардан нимани кутишни олдиндан айтиш қийин», — деди Энрике.

Тўрт турдан кейин «ПСЖ» 5 очко билан турнир жадвалида 7-ўринни эгаллаб турибди. «Марсель» эса 1 очко билан 13-поғонада жойлашган.