Франция терма жамоаси бош мураббийи Зинедин Зидан 38 ёшли ҳужумчи Карим Бензема ва 35 ёшли ярим ҳимоячи Н'Голо Канте миллий жамоага қайтиши мумкинлиги ҳақидаги саволга жавоб берди.
«Мен у (Бензема) билан «Реал»да кўплаб ажойиб йилларни ўтказганман. Каримни ҳурмат қиламан, аммо у энди ёши катта футболчи. Канте билан ҳам вазият шунга ўхшаш. Уларнинг эришган барча натижалари, фаолиятига қойил қоламан... аммо ҳозир менга ёшроқ футболчилар керак», — дея Зиданнинг сўзларини RMC Sport келтирмоқда.
Бензема Франция терма жамоаси сафидаги сўнгги ўйинини 2022 йилда ўтказган. Канте эса Жаҳон чемпионати-2026 учун миллий жамоага чақирилган, аммо турнирда бирор дақиқа ҳам майдонга тушмаган.
