Яқинда Франция терма жамоасининг Зинедин Зидан томонидан танланган янги таркиби эълон қилинди. 2026 йилги жаҳон чемпионатидан кейин миллий жамоа бош мураббийи лавозимини эгаллаган мутахассис журналистлар билан суҳбатда сардорлик боғичи масаласига ҳам ойдинлик киритди.
Зиданнинг айтишича, сардорлик боғичи Мадриднинг «Реал» клуби ҳужумчиси Килиан Мбаппеда қолади.
«Ҳа, у менинг футболчим ва менинг сардорим бўлади. Бу ерда ҳаммаси аниқ», — дея Зиданнинг сўзларини RMC Sport келтирди.
Килиан Мбаппе Франция терма жамоаси сафида 106 та ўйин ўтказиб, 66 та гол урди ва 44 та голли узатмани амалга оширди.
27 ёшли ҳужумчи миллий жамоа билан жаҳон чемпионати ва УЕФА Миллатлар лигаси ғолиблигини қўлга киритган.
