Футбол бўйича Озарбайжон Премьер-лигасида «Сабаҳ» кетма-кет бешинчи ғалабасини қўлга киритди.

6-тур доирасида Мазасир шаҳри клуби «Имишли»ни 3:1 ҳисобида мағлуб этди.

Учрашувнинг 20-дақиқасида меҳмонлар дарвозабони Садиқ Мамедзода тўпни ўз дарвозасига киритиб қўйди ва «Сабаҳ» ҳисобни очди. 35-дақиқада Умарали Раҳмоналиев мезбонларнинг устунлигини икки тўпга етказди. 90+5-дақиқада эса Каҳим Пэррис «Сабаҳ»нинг учинчи голини урди. «Имишли»нинг ягона голига 90-дақиқада Роналдо Соуза муаллифлик қилди.

Бу натижадан сўнг битта захира ўйини бор «Сабаҳ» 15 очко билан турнир жадвалида иккинчи ўринга кўтарилди. «Имишли» эса 4 очко билан саккизинчи поғонада бормоқда.