«Ковентри» бош мураббийи Фрэнк Лэмпард Англия Премьер-лигасининг 5-туридаги учрашувда VAR томонидан қабул қилинган қарорни қўллаб-қувватлади.
Лэмпард жамоаси «Ноттингем Форест»ни учрашув сўнгида Жей Дасилванинг голи эвазига 1:0 ҳисобида мағлуб этди.
Баҳснинг охирги дақиқаларида «Форест» ҳисобни тенглаштирганди, аммо Игор Жезуснинг голи VAR аралашувидан сўнг бекор қилинди. Сабаб — Калеб Йиренкига нисбатан қоида бузилгани аниқланди.
«Мен VARни яхши кўраман! Жуда ҳам хурсанд бўлиб кетишни истамайман, чунки баъзида қарорлар сизнинг фойдангизга, баъзида эса сизга қарши чиқади. Лекин менимча, бу вазиятда тўғри қарор қабул қилинди. Такрорий лавҳада кўриниб турибди, у рақибига енгил тегиб кетган ва шу сабаб у мувозанатни йўқотган. Бу — фол», — деди Лэмпард Sky Sports эфирида.
«Ковентри» шу тариқа мавсумдаги илк ғалабасини қўлга киритди ва турнир жадвалида 18-ўринга кўтарилди.
