"Манчестер Юнайтед" бош мураббийи Майкл Каррик яқинда "Манчестер Сити"га қарши дербида Эрлинг Холанднинг баҳсли голи билан боғлиқ вазиятга муносабат билдирди. "Қизил иблислар" ўша учрашувда 0:1 ҳисобида мағлуб бўлган эди.
Ҳакамлар қўмитаси кейинчалик Холанднинг голи қоидага зид тарзда урилганини тан олди ва ўтган якшанба куни бўлиб ўтган баҳсдан сўнг "Манчестер Юнайтед"дан расман узр сўради.
"Узр кўп нарсани ўзгартирмайди, лекин мен уни қабул қиламан. Улар очиқчасига: "Биз хато қилдик", деб тан олди. Ҳа, бундай ҳолатлар бўлиб туради. Энди олдинга ҳаракат қилиш ва буни қабул қилиш керак, гарчи бу хато бизга жуда қимматга тушган бўлса ҳам", — деди Каррик матбуот анжуманида.
Бугун "Манчестер Юнайтед" сафарда "Фулхэм"га қарши майдонга тушади. Учрашув Тошкент вақти билан соат 20:30 да бошланади.
