Ўзбекистон U-15 терма жамоаси 22–31 октябрь кунлари Озарбайжонда бўлиб ўтадиган Жаҳон чемпионати ва FIFA фестивалида иштирок этади.
Мусобақанинг гуруҳ босқичида ёш футболчиларимиз Гана, Багама ороллари, Қозоғистон, Гуам ва Мьянма терма жамоаларига қарши майдонга тушади.
Ўзбекистон U-15 терма жамоаси дастлабки учрашувини 24 октябрь куни Ганага қарши ўтказади. 25 октябрь куни жамоамизни икки баҳс кутиб турибди — аввал Багама ороллари, сўнг Қозоғистон билан ўйнайди.
26 октябрь куни эса Ўзбекистон Гуам ва Мьянма терма жамоаларига қарши баҳс олиб боради.
Ўзбекистон U-15 терма жамоасининг ўйинлари:
24 октябрь
Гана — Ўзбекистон
25 октябрь
Багама ороллари — Ўзбекистон
Ўзбекистон — Қозоғистон
26 октябрь
Ўзбекистон — Гуам
Мьянма — Ўзбекистон
Маълумот учун, 191 та терма жамоа иштирок этадиган мазкур фестиваль Озарбайжонда ташкил этилади. Учрашувлар 8x8 форматида ўтказилиб, ҳар бир баҳс 20 дақиқадан иборат икки бўлимдан ташкил топади.
