Мюнхеннинг «Бавария» клуби марказий ҳимоячиси Ким Мин Жэ Европа трансфер бозорида бир қатор клублар эътиборини тортмоқда. Бу ҳақда инсайдер Экрем Конур ижтимоий тармоқларда маълум қилди.

Манбага кўра, кореялик футболчини ўз сафига қўшиб олишга «Ювентус», «Милан», «Тоттенхэм» ва «Астон Вилла» қизиқиш билдирмоқда.

«Бавария» эса футболчининг келажаги бўйича бир қарорга келиш учун декабрь ойида у билан музокара ўтказишни режалаштирмоқда.

29 ёшли ҳимоячи 2023 йил ёзидан бери «Бавария» сафида тўп тепмоқда. Унинг клуб билан шартномаси 2028 йил ўрталаригача амал қилади.

Ким Мин Жэнинг бозор қиймати 20 миллион еврога баҳоланмоқда.