Ферран Торрес уни ёзда «Барселона»дан «ПСЖ»га ўтишга кўндирган Луис Энрике билан ўртасидаги ўзига хос муносабатлар ҳақида яна бир бор гапирди.

«Менимча, унинг энг яхши фазилати — ниҳоятда самимий ва оддий инсон экани. Агар у сизга яхши ёки ёмон бирор нарса айтмоқчи бўлса, тўғридан-тўғри айтади. Футболчилар эса бунга унчалик ўрганмаган, чунки биз кўпроқ мақтов эшитишга одатланганмиз.

Аммо у ҳам мураббий, ҳам инсон сифатида ўзига ва яқинларига жуда содиқ. Бу унинг қандай инсон экани ҳақида кўп нарсани айтиб беради. «ПСЖ» билан шартнома имзолашимдан олдин ҳам айтганимдек, мен уни ҳар доим футболдаги отадек инсон деб билганман», — деди испаниялик ҳужумчи.

«Терма жамоада камроқ ўйнаётган пайтимда менга биринчи бўлиб ишонч билдирган ҳам у эди. Менимча, у менинг тўлиқ салоҳиятимни очиб бера оладиган мураббий», — дея қўшимча қилди Торрес.

Торрес Луис Энрикенинг ишончини Париждаги ажойиб старти билан оқламоқда. У «ПСЖ» сафидаги дастлабки 6 та учрашувида 7 та гол урди.