"Ноттингем Форест"нинг ҳужумкор ярим ҳимоячиси Морган Гиббс-Уайт Мюнхеннинг "Бавария" клубига ўтиши мумкин. Бу ҳақда talkSPORT хабар берди.
Манба маълумотига кўра, "Бавария" Миллатлар лигасидаги яқинлашиб келаётган ўйинлар учун Англия терма жамоасига чақирув олган 26 ёшли футболчи учун асосий даъвогарлардан бири ҳисобланади.
Агар Гиббс-Уайт Мюнхенга кўчиб ўтса, у "Бавария"да ҳамюрти Гарри Кейн билан бирга тўп тепади.
Аввалроқ, ярим ҳимоячини Лондоннинг "Тоттенхэм" клуби ҳам ўз сафига қўшиб олишни исташи ҳақида хабар берилган эди. "Шпорлар" футболчи учун қарийб 150 миллион евро тўлашга тайёр экани айтилмоқда.
Жорий мавсумда Гиббс-Уайт Англия чемпионатида 5 та ўйинда майдонга тушиб, 1 та гол урди ва 2 та голли узатмани амалга оширди.
