"Манчестер Юнайтед" ва Англия терма жамоасининг собиқ ярим ҳимоячиси Пол Скоулз манкунианликлар бош мураббийи Майкл Каррик ҳақида фикр билдирди.
"Менимча, Кэррик ёзги трансфер бозорида содир бўлган ишлардан ҳафсаласи пир бўлган. У панд еганини тушуниб турибди. Майкл учун энг муҳим давр — мавсум старти. Айнан шу ўйинларда ўзингни кўрсатасан ва мавсумнинг кейинги қисми учун пойдевор яратасан", — дея "қизил иблислар" афсонасининг сўзларини Metro келтирди.
Англия чемпионатининг дастлабки беш туридан сўнг "Манчестер Юнайтед" 5 очко жамғариб, турнир жадвалида 12-ўринни эгаллаб турибди. "Қизил иблислар" навбатдаги учрашувда "Тоттенхэм"га қарши майдонга тушади.
