Франция терма жамоаси таркибида 1998 йилги жаҳон чемпиони Кристоф Дюгарри «Реал» ва Франция терма жамоаси форварди Килиан Мбаппе ҳақида ўз фикрларини билдирди.

«Мбаппега уйғонишга тўғри келади. У голлар урмоқда, бу борада ҳеч қандай муаммо йўқ, аммо у энди турнирларда ғалаба қозонмаяпти. «Реал» билан у бошқа ҳеч нарса юта олмаяпти. Франция терма жамоаси билан ҳам энди ҳеч нарсани қўлга киритмаяпти. Қайсидир пайтда у кубокларни ютишни бошлаши керак бўлади.

Зинедин Зидан ҳам Мбаппега шу гапни айтади: «Биз ғалаба қозонишимизни хоҳлайсанми ёки шунчаки ўз голларингни уриб, ўзингни кўз-кўз қилишнинг ўзи етарлими?» Қайсидир пайтда масала айнан шундай кўндаланг қўйилади. Биз бир неча йилдан бери ҳеч нарса юта олмаяпмиз», — дейди Дюгарри Footmercato манбасига.

Олдинроқ Мбаппе 2026 йилдаги мукофотга ўзини муносиб даъвогар деб ҳисоблашини айтиб ўтган эди.