«Аталанта» марказий ҳимоячиси Жоржо Скальвини фаолиятини Англия Премьер-лигасида давом эттириши мумкин.
TEAMtalk маълумотига кўра, 22 ёшли италиялик футболчига «Ньюкасл» ва «Челси» қизиқиш билдирмоқда.
«Ньюкасл» ўтган ёздаёқ Скальвинини сотиб олишга ҳаракат қилган. «Челси» эса ҳимоячи ҳақида батафсил маълумот тўплаган.
Маълум қилинишича, Скальвини «Аталанта» билан шартномасини 2031 йилгача узайтиришга рози бўлган. Бироқ бу ҳолат Премьер-лига клубларининг унга бўлган қизиқишини камайтирмаган.
Жорий мавсумда Скальвини барча мусобақаларни ҳисобга олганда 7 та учрашувда майдонга тушган, аммо ҳозирча гол ёки голли узатма билан ажралиб турмаган.
