«Барселона» ярим ҳимоячиси Фермин Лопес жамоанинг Чемпионлар лигасидаги истиқболлари ҳақида фикр билдирди.

Олдинроқ «Барселона» футболчилари бир неча бор бош еврокубок турнирида ғалаба қозониш истаги борлигини таъкидлашган эди.

«Чемпионлар лигасидаги ғалаба ҳақида гапиришимиз мумкин, аммо ҳозир яхши спорт формасида эканимиз учунгина жуда олдинга ўтиб кетмаслигимиз керак. Муваффақиятсиз кечадиган даврлар ҳам бўлади. Биз қадамма-қадам илгарилашимиз, жамоа сифатида ўсишда давом этишимиз керак ва умид қиламанки, Чемпионлар лигасида ғалаба қозона оламиз», — дейди Фермин Barça Universal манбасига.

Чемпионлар лигасининг янги мавсуми 1-турида «Барселона» ўз майдонида «Фейеноорд»ни 5:1 ҳисобида тор-мор этди. Каталонияликларнинг навбатдаги рақиби «Галатасарай» бўлади.

Эслатиб ўтамиз, «Барселона» охирги марта 2015 йилда Чемпионлар лигаси ғолиби бўлган эди.