«Бавария» ҳужумчиси Харри Кейн клуб билан шартномани узайтириш бўйича олиб борилаётган музокаралар ҳақида фикр билдирди.

«Музокаралар яхши кетяпти. Ҳамма менинг «Бавария»да бахтли эканимни кўриб турибди. Бу майдондаги ўйинимдан ҳам, майдон ташқарисида айтган гапларимдан ҳам билиниб турибди.

Менимча, барчаси очиқ ва самимий тарзда кечяпти. Келишувга эриша оламиз, деб умид қиламан», — деди Кейн.

Харри Кейн 2023 йилдан буён «Бавария» шарафини ҳимоя қилиб келмоқда. 33 ёшли ҳужумчи жорий мавсумда барча мусобақаларда 7 та ўйинда майдонга тушиб, 6 та гол урди ва 1 та голли узатмани амалга оширди.

Кейннинг «Бавария» билан амалдаги шартномаси жорий мавсум якунида ўз ниҳоясига етади.