«Галатасарай» президенти Дурсун Ўзбек жамоа бош мураббийи Окан Бурукнинг келажаги ҳақида фикр билдирди.

«Бурук жуда муваффақиятли ишлаяпти. Биз кетма-кет тўрт марта чемпион бўлдик ва ҳозир бешинчи чемпионлик сари ҳаракат қиляпмиз. Футболчилар ҳам уни яхши кўради.

Янги шартнома масаласини Окан билан муҳокама қиламиз. Мен жамоадаги барқарорликни бузмоқчи эмасман», — деди Дурсун Ўзбек матбуот анжуманида.

Туркия чемпионатининг 6-турида «Галатасарай» «Трабзонспор»га 0:4 ҳисобида йирик ҳисобда мағлуб бўлди.

Айни пайтда жамоа Суперлига турнир жадвалида 13 очко билан иккинчи ўринда бормоқда. Кейинги турда «Галатасарай» ўз майдонида «Касымпаша»ни қабул қилади.