"Лидс Юнайтед" Лондоннинг "Арсенал" клуби 18 ёшли яримҳимоячиси Сержа Гнабрини ижарага олмоқчи. Бу ҳақда клуб расмий твиттери орқали оммани хабардор қилмоқда.
Клуб бош мураббийи Брайан Макдермотт берган маълумотга кўра, "Арсенал"га расмий таклиф жўнатиб бўлинган. Аммо мураббий, шу билан бирга, лондонликлар уни қўйиб юборишига ишонмаслигини қайд этиб, унинг охирги ёрқин уч ўйинига алоҳида урғу берган.
Эслатиб ўтамиз, Гнабри "Арсенал"га 2010 йил "Штутгарт"дан келиб қўшилганди. Айни пайтда унинг ҳисобида янги мавсумдаги учта ўйин ва битта гол бор.