Жулиан Уорд «Ливерпуль»нинг спорт директори этиб тайинланди.
Клуб маълум қилишича, функционер янги вазифасини дарҳол бошлаган. Бунга қадар Уорд «Ливерпуль»га эгалик қилувчи Fenway Sports Group компаниясида техник директор лавозимида ишлаган.
Уорд 2012 йилдан буён «Ливерпуль» тизимида фаолият юритиб келмоқда. Шу вақт ичида у Европа бўйича скаутинг раҳбари, ижарага берилган футболчилар билан ишлаш директори, спорт директори ёрдамчиси ва спорт директори лавозимларида ишлаган.
Уорд 2020-йиллар бошида ҳам «Ливерпуль» спорт директори вазифасини бажарган, аммо 2023 йилда ушбу лавозимни тарк этган эди.
«Ливерпуль»га келгунга қадар у «Манчестер Сити» ва Португалия терма жамоаси тизимида ҳам ишлаган.
FSG президенти Майк Гордоннинг таъкидлашича, Уорднинг тажрибаси клуб футбол департаментини кучайтириши ва бош мураббий Андони Ираолага ёрдам бериши керак.
