Ўзбекистон миллий терма жамоаси ҳужумчиси Ҳусайн Норчаев Эронга қарши учрашувдан кейин журналистларнинг саволларига жавоб берди.

"Навбаҳор" форварди ўз голида жамоадошининг ҳиссасини алоҳида қайд этди.

"Маҳмуд жуда яхши узатма берди. Мен эса ҳужумчи сифатида ўз вазифамни бажардим, деб ўйлайман", — деди Норчаев.

Футболчи Эронга қарши баҳс жамоа учун муҳим синов бўлганини ҳам таъкидлади.

"Жуда яхши ўйин бўлди. Эрон Осиёнинг кучли жамоаларидан бири эканини яхши биламиз. Сўнгги вақтларда уларга қарши яхши натижалар қайд этяпмиз. Бу бизга қўшимча ишонч беради", — деди ҳужумчи.

Норчаевдан терма жамоанинг янги тактик схемаси ва ўйиндаги камчиликлар ҳақида ҳам сўралди.

"Ғалаба қозондик. Менимча, яхши ўйин кўрсатдик. Жиддий камчиликлар бўлди, деб ўйламайман", — дея жавоб берди футболчи.