"Барселона"нинг бразилиялик ҳужумчиси Рафинья Диас Чемпионлар лигаси ярим финалида "Интер"дан учралган мағлубиятни ҳали ҳам унута олмаётганини айтди.

"Биз қўлга киритган совринлар рўйхатида ҳозирча Чемпионлар лигаси ғалабаси етишмаяпти. Мен 2025 йилги "Интер"га қарши ярим финални ҳали ҳам унута олмайман.

Биз финалга жуда яқин эдик, аммо ўша тажриба ниҳоятда оғриқли бўлди. Вазият жуда қийин эди. Лекин орқага қараб, ўша пайтда жамоамиз жуда ёш бўлганини тушунасиз.

Бугун эса руҳий жиҳатдан анча етукмиз ва Чемпионлар лигасида албатта учрайдиган қийин синовларга тайёрроқмиз", — деди Рафинья.

Рафинья 2022 йилдан бери "Барселона" сафида ўйнаб келмоқда.