"Ньюкасл"дан "Ювентус"га ижарага берилган ҳужумчи Ник Вольтемаде яна "Бавария"нинг трансфер нишонларидан бирига айланиши мумкин.
Ҳозирча Мюнхен клуби 24 ёшли футболчи бўйича музокара бошлашни режалаштирмаяпти. Бироқ журналист Кристиан Фальк маълумотига кўра, агар Вольтемаде Италиядаги ижара даврида ўзини яхши кўрсатса, вазият ўзгариши мумкин.
"Бавария" раҳбарияти жамоа таркибида Германия терма жамоаси футболчилари кўпроқ бўлишини истамоқда.
Эслатиб ўтамиз, "Бавария" 2025 йил ёзида Вольтемадени қўлга киритиш учун асосий даъвогарлардан бири эди. Аммо "Ньюкасл" курашга қўшилиб, "Штутгарт"га 75 миллион евро таклиф қилди.
Англияда Вольтемаде унга билдирилган умидларни тўлиқ оқлай олмади ва ҳозир А Серияда ўзини синаб кўрмоқда.
