Англия терма жамоаси бош мураббийи Томас Тухель "Манчестер Сити" иши бўйича чиқарилган қарорга муносабат билдирди.
Жума куни "Сити" АПЛ молиявий қоидаларини бузиш билан боғлиқ деярли барча айбловлар бўйича айбдор деб топилгани маълум бўлган эди. Фақат битта айблов бундан мустасно.
Эслатиб ўтамиз, 2023 йил февралда АПЛ "Манчестер Сити"ни 2009–2018 йиллар оралиғида молиявий қоидаларни 115 марта бузганликда айблаган эди. Кейинроқ The Times нашри айбловлар сони 130 та эканини, дастлаб айрим қоидалар бўйича ҳисоблашда чалкашлик юз берганини хабар қилди.
"Манчестер Сити" футболчилари буни муҳокама қилаётган бўлиши мумкин. Аммо мен бу ҳақда изоҳ бермайман, чунки тушунишимча, ҳуқуқий жараён ҳали давом этяпти.
Мен бу мавзуни ўзим кўтарганим йўқ. Одатда янгиликларни охирги бўлиб эшитаман. Терма жамоа йиғинда бўлган пайтимда фақат Испанияга қарши ўйин, машғулотлар ва йиғилишларга эътибор қаратдим.
Албатта, футболчилар бу ҳақда гаплашаётган бўлиши мумкин, аммо бу ҳолат уларни чалғитганини сезмадим", — деди Тухель.
