Жорже Жезуш Бразилия футболида хорижлик футболчилар лимитини қисқартириш эҳтимолини кескин танқид қилди.

Тажрибали португалиялик мутахассис матбуот анжуманида бундай чеклов маҳаллий футболчилар ривожига ижобий таъсир кўрсатмаслигини таъкидлади.

Унинг фикрича, асосий муаммолар ёш футболчиларни тайёрлаш тизимидаги камчиликлар ва мусобақалар тақвимининг ҳаддан ташқари зичлиги билан боғлиқ.

«Бразилиялик футболчини ўзгартирадиган нарса хорижликлар лимити эмас. Муаммо ёшлар тайёргарлиги сифати ва тақвимда», — деди Жезуш.

Шунингдек, у минтақавий мусобақаларни сақлаб қолиш тарафдори эканини билдирди ва анъанавий штат чемпионатлари бекор қилинмаслигига умид билдирди.

«Умид қиламанки, штат чемпионатларини йўқ қилиб юборишмайди», — дея қўшимча қилди мураббий.