Нидерландия терма жамоаси сардори Виржил ван Дейк Миллатлар лигаси 2-турида Сербия устидан қозонилган ғалабани изоҳлади.
Белградда бўлиб ўтган учрашув Нидерландиянинг 2:1 ҳисобидаги ғалабаси билан якунланди. Меҳмонларнинг ҳар икки голини Мекс Мердинк урди.
«Уч очкони қўлга киритганимиздан хурсандмиз. Бироқ ўзимизга танқидий ҳам қарай оламиз, чунки бу бизнинг энг яхши ўйинимиз эмасди.
Мекс жуда яхши ўйнади. У ишончли ҳаракат қилди ва ўз имкониятларидан унумли фойдаланди», — дея Ван Дейкнинг сўзларини УЕФА матбуот хизмати келтирди.
Икки турдан сўнг Нидерландия ҳисобида 4 очко бор. Терма жамоа навбатдаги учрашувини 1 октябрь куни сафарда Грецияга қарши ўтказади.
