Niderlandiya terma jamoasi sardori Virjil van Deyk Millatlar ligasi 2-turida Serbiya ustidan qozonilgan g‘alabani izohladi.

Belgradda bo‘lib o‘tgan uchrashuv Niderlandiyaning 2:1 hisobidagi g‘alabasi bilan yakunlandi. Mehmonlarning har ikki golini Meks Merdink urdi.

«Uch ochkoni qo‘lga kiritganimizdan xursandmiz. Biroq o‘zimizga tanqidiy ham qaray olamiz, chunki bu bizning eng yaxshi o‘yinimiz emasdi.

Meks juda yaxshi o‘ynadi. U ishonchli harakat qildi va o‘z imkoniyatlaridan unumli foydalandi», — deya Van Deykning so‘zlarini UEFA matbuot xizmati keltirdi.

Ikki turdan so‘ng Niderlandiya hisobida 4 ochko bor. Terma jamoa navbatdagi uchrashuvini 1 oktyabr kuni safarda Gresiyaga qarshi o‘tkazadi.