Италиянинг «Комо» клуби ярим ҳимоячиси Лукас да Кунья Франция терма жамоасидаги дебюти ҳақида фикр билдирди. Футболчи Миллатлар лигасида Бельгияга қарши 1:0 ҳисобида якунланган учрашувда 89 дақиқа майдонда ҳаракат қилди.
«Биз яхши ўйин ўтказдик. Ғалабага лойиқ эдик ва Олисенинг голидан кейин барчамиз енгил тортиб қолдик.
Менинг ўйинимми? Мураббий менга тўлиқ ишонч билдирди ва эркин ҳаракат қилишимни, клубимда қандай ўйнасам, худди шундай ўйнашимни айтди. Майдонда ўзимни жуда яхши ҳис қилдим.
Бу жуда катта аҳамиятга эга — кучли ҳиссиётлар ва улкан қувонч. Ахир бир неча йил олдин ҳали иккинчи дивизионда ўйнардим», — дея Да Куньянинг сўзларини TF1 келтиради.
Франция терма жамоаси 6 очко билан гуруҳда пешқадамлик қилмоқда. Жамоа навбатдаги учрашувини 2 октябрь куни Италияга қарши ўтказади.
