«ПСЖ» ва Испания терма жамоаси ярим ҳимоячиси Фабиан Руис «Олтин тўп» учун курашдаги ўз имкониятларини баҳолади.
30 ёшли футболчи Париж клуби сафида Лига 1 ва Чемпионлар лигаси ғолиби бўлди, Испания терма жамоаси билан эса жаҳон чемпионлигини қўлга киритди. Жамоавий муваффақиятларига қарамай, Руис индивидуал соврин учун асосий даъвогарлар қаторига киритилмаяпти.
«Бу ерда гап тарғибот кампанияси ҳақида эмас. Менимча, «Олтин тўп»ни қўлга киритиш учун имкониятим бор, чунки барча асосий совринларни ютдим», — дея Руиснинг сўзларини журналист Фабрицио Романо келтиради.
«Олтин тўп»ни топшириш маросими 26 октябрь куни Лондонда бўлиб ўтади. Ўтган йили совринни Фабианнинг «ПСЖ»даги жамоадоши Усмон Дембеле қўлга киритган эди.
