«PSJ» va Ispaniya terma jamoasi yarim himoyachisi Fabian Ruis «Oltin to‘p» uchun kurashdagi o‘z imkoniyatlarini baholadi.

30 yoshli futbolchi Parij klubi safida Liga 1 va Chempionlar ligasi g‘olibi bo‘ldi, Ispaniya terma jamoasi bilan esa jahon chempionligini qo‘lga kiritdi. Jamoaviy muvaffaqiyatlariga qaramay, Ruis individual sovrin uchun asosiy da’vogarlar qatoriga kiritilmayapti.

«Bu yerda gap targ‘ibot kampaniyasi haqida emas. Menimcha, «Oltin to‘p»ni qo‘lga kiritish uchun imkoniyatim bor, chunki barcha asosiy sovrinlarni yutdim», — deya Ruisning so‘zlarini jurnalist Fabrisio Romano keltiradi.

«Oltin to‘p»ni topshirish marosimi 26 oktyabr kuni Londonda bo‘lib o‘tadi. O‘tgan yili sovrinni Fabianning «PSJ»dagi jamoadoshi Usmon Dembele qo‘lga kiritgan edi.