Англияда Премьер-лига футболчилари сафар ўйинларида бўлган пайтда уларнинг уйларини ўмарган жиноий гуруҳ аъзолари қўлга олинди.
Гап 34 ёшли Валентино Николов ва унинг 24 ёшли жияни Чарли Йованович ҳақида кетмоқда.
Улар бир қатор режалаштирилган ўғирлик ва уйларга бузиб кириш ҳолатларига алоқадорлигини тан олганидан сўнг Англияда жазога ҳукм қилинди.
Жиноятлар орасида 2024 йил апрель ойида Ньюкасл шаҳрида Александр Исакнинг уйига бузиб кириш ҳолати ҳам бўлган.
Шунингдек, «Вулверхэмптон» сафида ўйнаган пайтида Матеус Кунья ҳам жабрланган. derbyderbyderby.it маълумотига кўра, унга етказилган зарар миқдори 500 минг фунт стерлинггача баҳоланган.
