Хорватия терма жамоаси ярим ҳимоячиси Лука Модрич испан мухлислари уни илиқ кутиб олганини эътиборсиз қолдирмади.
Сешанба куни Севилья шаҳридаги «Рамон Санчес Писхуан» стадионида ўтказилган Миллатлар лигаси учрашувида Хорватия Испанияга 1:4 ҳисобида мағлуб бўлди. 41 ёшли собиқ «Реал» ярим ҳимоячиси учрашув якунида захирадан майдонга тушди ва маҳаллий мухлислар уни қарсаклар билан кутиб олди.
Учрашувдан сўнг Модрич ижтимоий тармоқда испан мухлисларига миннатдорлик билдирди: «Катта раҳмат, Испания», — деб ёзди футболчи ва баҳсдан олинган суратни ҳам илова қилди.
Лука Модрич 13 йил давомида «Реал» шарафини ҳимоя қилди. 2025 йилдан буён тажрибали футболчи Италиянинг «Милан» клуби сафида тўп тепмоқда.
