Дортмунднинг "Боруссия" клуби вингери Матис Алберт АҚШ терма жамоаси сафидаги илк голини урди.
Истеъдодли футболчи Чилига қарши ўртоқлик учрашувининг 72-дақиқасида захирадан майдонга тушди ва 93-дақиқада гол уриб, якуний ҳисобни 4:2 кўринишига келтирди.
ESPN маълумотига кўра, Алберт 17 ёшу 131 кунлигида гол уриб, АҚШ терма жамоаси тарихидаги энг ёш гол муаллифига айланди.
У шу тариқа аввал "Боруссия"да ҳам ўйнаган Кристиан Пулишичнинг рекордини янгилади. Пулишич 17 ёшу 253 кунлигида гол урган эди.
Бу Матис Албертнинг АҚШ миллий терма жамоаси сафидаги иккинчи ўйини бўлди.
У "Боруссия"нинг асосий жамоаси сафида ҳам икки марта майдонга тушган, аммо клуб миқёсида ҳали гол урмаган.
4 октябрь куни Маурисио Почеттино жамоаси Мексикага қарши ўртоқлик учрашуви ўтказади.
