Лиссабоннинг «Спортинг» клубида ўйнайдиган ўнг қанот ҳимоячиси Иван Фреснеда яна «Барселона»нинг эътиборига тушди.

22 ёшли футболчи каталониялик гранднинг эҳтимолий трансфер мақсадларидан бири ҳисобланади. Barca Universal Sport нашрига таяниб хабар беришича, «Барселона» 2023 йил ёзида, Фреснеда «Вальядолид»да ўйнаган пайтда ҳам унга қизиқиш билдирган. Аммо ўша вақтда футболчини «Спортинг» ўз сафига қўшиб олган.

Яқинда Иван Фреснеда илк бор Испания терма жамоасига чақирилди — у жароҳат олган Педро Поррони таркибда алмаштирди. Ҳозирча футболчининг миллий терма жамоадаги дебюти амалга ошмаган.

Transfermarkt Мадридда туғилган ва «Реал» академияси тарбияланувчиси бўлган Фреснеданинг трансфер қийматини 20 миллион евро деб баҳоламоқда.