«Реал» бош мураббийи Жозе Моуриньо Португалия терма жамоаси ҳужумчиси Криштиану Роналду атрофидаги вазият ҳақида фикр билдирди.

«Криштиану — Криштиану. У ғолиб. Унда шундай эго борки, бу эго 20 йил давомида унга голлар, совринлар ва рекордлар олиб келди. Бу нормал ҳолат. Аммо энди у ўз эгосини назорат қилишни ўрганиши керак. Футбол уни кутиб турмайди. Унинг танаси аввалгидек эмас. Буни ҳамма билади. Унинг ўзи ҳам буни тушунади.

Жорже Жезуш — яхши мураббий. У катта шахслар билан ишлашни билади ва улардан қўрқмайди. Агар у қандайдир қарор қабул қилса, демак, бу қарор алоҳида футболчининг имижи учун эмас, балки жамоа манфаати учун фойдали бўлади, деб ҳисоблайди», — дея Моуриньонинг сўзларини O Globo келтирди.

Аввалроқ Роналду бош мураббий Жорже Жезуш низо йўқлигини айтганига қарамай, Португалия терма жамоаси машғулотини тарк этган эди. Ҳужумчи жамоа қароргоҳидан кетишга қарор қилди ва бу ҳақда ўз муносабатини билдирди.

Айрим португалиялик ОАВлар Роналду терма жамоадаги фаолиятини якунлаш ниятида экани ҳақида хабар тарқатди.